(Green Hmong)

Nyob Zoo, zoo sab kws koj lug saib peb.  Ca sab tas koj yuav ntsib yaam koj nrhav nyob rua huv peb lub web site nuav.  Kuv yog Huas Tsheejyim Muas.  Kuv ua xibfwb rua pawg ntseeg Hlubtshua Hmoob Tshaajmoo (Agape Asian Ministry) nyob rua huv thaaj tsaam nroog La Crosse, Wisconsin.  Yog koj nyob ze thaaj tsaam huv nroog nuav, kuv thov quag hu koj hab koj tsev neeg tuaj nrug peb fim tug Tswv Yesxus uake raws le lub sijhawm teev tseg sau toj nuav. 

(White Hmong)

Hnub no, kuv xav qhia koj paub tias muaj ib tus Tswv uas yog tus tsim lub ntuj thiab ntiajteb, nws hlub peb tibneeg ntiajteb kawg nkaus li.  Peb cov uas ntseeg, peb hu Nws ua Vajtswv.  Thaum tseem nyob rau yav ntuj qub qab cov laus hu tus Tswv no ua Yawmsaub.  Peb Moob tseem muaj ntau zaj dabneeg hais txog tus Yawmsaub no.  Cov ua tseem coj kevcai dabqhuas lawv haj tseem tsis tau tuav txog Yawmsaub losis yog Vajtswv lub npe.  Tus ua tsis tau tuav txog Yawmsaub losis Vajtswv lub npe lawv kuj mus hu lwm lub npe lawm.  Lwm lub npe lawv hu yog muaj raws li nov: Lub ntuj lub teb, dab teb dab chaw, dab roob dab hav, losis hu txog pog thiab yawg, thiab dab niam dab txiv. Dua li haj tseem hu txog dab vaj dab tsev thiab ntau yam ntxiv.  Tiamsi qhov tseeb tiag, tus Vajtswv losis yog Yawmsaub no nws tib leeg thiaj yog tus tseeb xwb. Nws yog tus hlub koj kawg nkaus li.

Vajtswv txojlus uas cawm neeg txojsia qhia tseg hais tias, Vajtswv Yawmsaub hlubx neeg ntiajteb kawg nkaus li, nws thiaj tso nws tibleeg tub los rau hauv ntiajteb no.  Yog leejtwg ntseeg nws tus tub, tus ntawd yuav tsis tuag tiamsis yuav tau txojsia ntev mus ib txhis tsis kawg (Yauhaa 3:16). 

Tus Yesxus no nws yog Vaajtswv tib leeg Tub uas Vaajtswv hlub heev.  Yesxus los kuj hlub peb tibneeg ib yam nkaus li Vaajtswv hlub thiab, Vajtswv xav coj ntiajteb tibneeg los nrog Vajtswv sib raug zoo, tiamsi tibneeg muaj kev txhaum, txoj kev txhaum no ua rau tibneeg thiab Vajtswv sib cuag tsi tau lawm.  Vim Vajtswv yog tus dawbhuv, tiamsi tibneeg nyiam ua tej kev phem kev qias thiab tsis hwm Vaajtswv. 

Tibneeg muab tsiaj muab txhuv los tua theej lawv lub txhoj npaum twg los hloov tsi tau tibneeg lub siab phem mus ua tau lub siab zoo thiab tibneeg lub siab pheej xav phem tag mus li xwb.  Yog li no, Yesxus uas yog Vajtswv tus Tub thiaj li hais rau Vajtswv hais tias, tibneeg ntiajteb tua tsiaj tua txhuv thiab ua zaj twg los tsis haum koj lub siab ces cia kuv muab kuv lub cev mus tuag theej tibneeg lawv thiaj los nrog tau koj sib raug zoo.  Yog li, Vajtswv tus Tub uas yog Tswv Yesxus no thiaj los rau hauv ntiajteb no, los uas tibneeg ntiajteb tus Cawmseej.  Nws yog tus los saum ntujceebtsheej los.  Vajtswv txojlus qhia tias nws yog qhov kaj uas ci rau tibneeg ntiajteb pom kev (Yauhaa 8:12).  Nws los qhia txoj kev rau peb kom peb paub mus cuag tus Vajtswv Yawmsaub uas tsim peb thiab coj peb los ua Vajtswv li menyuam.

(Green Hmong)

Yesxus has ib zaaj pevlug, zaaj pevlug nuav yuav paab tau kuas koj totaub has tas peb tau ua txhum hab ncaim ntawm Vaajtswv moog le caag.  Zaaj pevlug has le nuav has tas, Muaj ib tug yawm muaj ob tug tub, muaj ib nub tug kwv has rua leejtxiv has tas, txiv thov koj muab kuv tej qub txheeg qub teg faib rua kuv, tes nwg txiv txawm ua lawv le nwg has.  Nwg muab tej kws nwg txiv muab faib rua nwg coj moog muag tau nyaj tes nwg txawm moog rua ib lub tebchaws dlebx lawm. 

Thaum nwg moog txug lub tebchaws hov nwg txawm muab nwg tej nyaj siv ywjsab lawv le nwg lub sab nyam.  Nwg muab tej nyaj siv ua phem ua qas, quav dlej quavcawv hab ua txhua yaam lawv le nwg lub sab ntshaw.  Tomqaab hov tsi ntev nwg txawm muab nwg tej nyaj siv taag, nwg tshaib plaab heev, nwg txha moog ua qhev zuv npua.  Thaum tej kev txomnyem lug tsaug nwg, nwg txha le ncu ndlheev txug nwg txiv.  Nwg has tas, nyob rua huv kuv txiv tsev, tej tubmaab tubqhe puab muaj nojseem nojso ua caag kuv yuav tuaj nyob txomnyem ua luaj nuav.  Ua le caag los kuv yuav rov qaab moog cuag kuv txiv dlua.  Kuv yuav has rua kuv txiv tas, txiv kuv tau ua txhum rua koj hab ua txhum rua Vaajtswv lawm.  Tsi tsim nyog kuv lug ua koj tug tub ntxiv lawm tabsi thov koj ca kuv ua koj ib tug tubqhe xwb.  Thaum nwg xaav tau le hov, nwg txha sawv kev tseeg rov qaab lug cuag nwg txiv.(Lukas 15:11-19)

Txij thaum nwg tau ncaim nwg txiv moog lawm, mas nwg txiv ncu nwg heev.  Nwg txiv naj nub saib kev ntsoov hab tog rawv saib nub twg nwg tug tub le rov qaab lug tsev.  Muaj ib nub nwg saibx tim ncauj ke nwg txha pum nwg tug tub khaubx hlaab lug txug tim ncauj ke.  Nwg txha dlha moog puag nkaus nwg tug tub nwj, nwg zoo sab heev.

(White Hmong)

Tus tub hais rau leej txiv tias, txiv kuv tau ua txhaum rau koj thiab rau Vajtswv lawm tsis tsimnyog kuv los ua koj ib tus tub ntxiv lawm cia kuv los ua koj tus tub txib lawm xwb.  Tiamsis leej txiv zoo siab heev, nws hais rau nws cov tub txib tias, ciali maj nroog mus muab ristsho tuaj rau nws hnav thiab muab khau tuaj rau nws tsau thiab kavtsij mus muab ib tus menyuam nyuj rogx los tua ua kev zoo siab.  Vim kuv tus tub twb nploj lawm tiamsi nimno nrhiav tau lawm, nws twb tuag lawm tiamsis sawv rovqab los lawm (Lukas 15:20-32).  Koj puas zoo li tus tub loj leeb nov?

Peb tibneeg lub neej zoo ib yam li tus tub lojleeb no ntag.  Qhov uas tus tub no yuam kev yog nws tsi xav nrog nws txiv nyob thiab tsis xav ua raws li nws txiv hais.  Nws xav ua ywj li nws lub siab xav, nws tsis nyiam qhov zoo tiamsis nws nyiam qhov phem, nws thiaj khiav tawm mus rau ib qhov chaw debx heev.  Thaum nws nyob deb lawm, nws yuav ua phem li cas los tau tsis muaj tus hais nws.  Peb tibneeg lub siab ces zoo li no ntag, peb nyiam ua kev phem kev qias thiab tsis nyiam ua zoo.

Txawm muaj muaj vag muaj tse los tsi txaus lub siab, lub siab mas kho siab zim.  Muaj npaum twg los yeej tsis txaus. Twb muaj poj niam muaj txiv lawm los tseem xav nrhiav tus tshiab.  Neeg lub siab zoo li lub qhov uas ntim npaum twg los tsis puv.  Thaum kawg lub zog tas ces ho nyuaj siab thiab los kuasmuag, ua zaj twg los lub siab pheej tsis kaj.  Hais txog txoj kev rov los tsev mas siab tsaus nti hos hais txog kev lomzem mas lub siab kajnrig xwb. 

Tej zaum koj yeej yog mus ua lojleeb tiag tiag, nyob tsi muaj vag muaj tse, vim yog tsis muaj niam muaj txiv hlub.  Losis muaj niam txiv, tiamsis lawv ho tsis txawj hlub koj, koj thiaj li khiav mus ua laib, mus quav dej quav cawv, ua tub sab tub nyiag thiab ntau yam uas txhaum kevcai.  Txawm li ntawd los Vajtswv tseem hlub koj thiab muab lub sijhawm rau koj. 

Vajtswv txojlus qhia tias: Nuj nqis ntawm txoj kev txhaum yog kev tuag tiamsi Vajtswv qhov khoomplig yog txojsia nyob ib txhis hauv peb tus Tswv Yesxus. (Loo 6:23) Txawm tias koj tsis xav ua neeg zoo los xij, tiamsi kuv xav kom koj paub tias nujnqis ntawm txoj kev txhaum ces yog kev tuag xwb.  Yog koj pheej ua mus thaum kawg koj yuav tsum tau tuag.  Tiamsi yog koj tso tej kev txhaum tseg es los cuag tus Tswv Yesxus thaum kawg koj yuav tau txojsia uas nyob mus ib txhis.  Yog li no koj yuav xaiv qhov twg?

Vajtswv pub peb los ua neej ib ntus hauv ntiajteb no xwb, muaj ib hnub peb yuav tau tuag, Vajtswv txojlus qhia tias tomqab kev tuag ces yuav muaj kev txiav txim (Henplais 9:27). Yog li no kuv xav kom koj ua tib zoo xav rau qhov peb txhua tus yeej yuav khiav tsis dhau Vajtswv txoj kev txiav txim hlo li. 

Qhov peb yuav dim tau ces yog los ntawm Yesxus los xwb.  Tswv Yesxus thiaj qhia hais tias: Kuv yog txoj kev kuv yog qhov tseeb thiab kuv yog txojsia.  Tsi muaj leejtwg yuav mus cuag tau leej txiv, tsuas yog los ntawm kuv mus xwb thiaj tau (Yauhaa 14:5-7).

Peb txhua tus yeej ua txhaum thiab muaj txim lawm, tiamsi yog peb los ntseeg Tswv Yesxus nwg yuav zam peb tej kev txhaum huv tib si mus.  Yog li no, peb cov uas ntseeg Yesxus lawm, peb paub hais tias txawm yog peb tau ua txhaum lawm los xij, peb yuav tsi raug txiav txim zaum kawg vim Tswv Yesxus twb tuag theej peb lub txim tag lawm.  Yog li no koj nev! koj puas muaj kev cia siab li no? Yog koj tsi tau muaj qhov kev cia siab li no, cia li los txais yuav Tswv Yesxus ua koj tus Tswv Cawmseej. Nws yuav zam koj lub txim.

Kev txhaum yog dabtsi? Kev txhaum yog txhua yam kev phem uas tibneeg ua xis li: kev ua plees ua yi, sib cav sib ceg, tua neeg, ua tub sab tub nyiag thiab ntau yam.  Koj yuav xav hais tias koj twb tsis tau ua txhaum dabtsi, tiamsis yog koj paub hauv koj lub siab tias koj yeej ua tsis tau zoo ib puas feem puas ces koj yeej yog neeg txhaum lawm. 

Hnub Vajtswv los txiav txim, yog koj muaj txim lawm ces qhov koj yuav tau mus nyob yog ntuj tawg, ntuj txias teb tsaus lawm xwb.  Yog koj tsi muaj txim, los Vajtswv twb zam koj lub txim lawm ces koj thiaj yuav tau mus nyob saum ntuj ceeb tsheej tebchaws tau zoo.

Yog lino, kuv caw koj los cuag Tswv Yesxus thiab cia Nws los kav koj lub siab. Mus koom pawg ntseeg, koj thiaj li yuav muaj kev cia siab thiab hloov tau koj lub neej los ua neeg zoo.  Tswv Yesxus hlub koj heev, Nws zoo siab yuav pab koj, los nrog koj nyob thiab los ua koj tus kwvluag.  Txhua yam uas nws ua rau koj yog los ntawm nws lub siab hlub xwb. Yog koj tseem muaj lub siab me, thiab tseem ntshai txoj kev tuag.  Cia li tuav Yesxus lub npe thiab thov, Nws yuav los pab koj thiab zam koj lub txim. 

Yog koj txaus siab cia Yesxus los ua koj tus Tswv, koj thov nws li no tias:  Tswv Yesxus kuv yog tus neeg muaj kev txhaum.  Hnub no kuv tso tej kev txhaum tseg thiab tig los cuag koj. Txim hnub no mus thov koj los ua kuv tus Tswv.  Thov koj zam kuv lub txim thiab ntxuav kuv tej kev txhaum mus huv tibsi. Thov koj txib koj tus Ntsujplig dawbhuv los nyob hauv kuv lub siab thiab qhia kom kuv paub koj.  Tswv Yesxus, kuv lees tias koj yog kuv tus Tswv uas tau los tuag saum tus ntoo khaublig thiab peb hnub tom qab, koj tau sawv rov qab los lawm.  Nimno koj tseem muaj sia nyob, thov koj los kav kuv thiab nyob hauv kuv lub siab. Amees.

Yog koj thov raws li cov lus saum no tag lawm, kuv caw koj hu xovtooj rau kuv thiab kuv caw koj tuaj koom nrog peb hawm Vajtswv uake.  Nws yuav pab tau kom koj txoj kev ntseeg kom loj hlob thiab ua tau Vajtswv ib tus menyuas uas muaj txoj kev ntseeg uas nyob ruaj thiab khov rau ntawm Tswv Yesxus.  Yog koj ho nyob deb los nrhiav cov church uas nyob ze ntawm koj kod, mus nrog xibhwb tham thiab kom nws thov Vaajtswv pab koj ntxiv.  Mus koom nrog pawg ntseeg thiab ua Vajtswv tegnum koj kev ntseeg thiaj yuav loj hlob thiab ua tau nws tesnum. 

Nyeem ntxiv mus rau Yesxus Lub Neej